اشتقت اسوي بلوقز احب اكتب بلوقز الشي المفضل عندي في الموقع هو اني اكتب بلوقز 

حملت اغاني امس على الامبي ثري اي صح جتني عيديات وطول الوقت وهي معي افكر شكنت ابي اشتري شكنت ابي اشتري همم يتم تفكير يتم تفكير ولو كان عندي ذرة من الذكاء كان رجعت للبلوقز لاني اتذكر بوضوح الان اني نزلت بلوق اتكلم فيها عن الاشياء الي ابي اشتريها وحده من هذي الاشياء كانت امبي ثري جديد لان الي معي خردة وعيب حتى ينقال عنه امبي ثري اكره مره ان لما عنوان الاغنيه يكون مو بالالفبيت الانقليزيه يغيره ويخليه اشياء غريبة اوه اي ف راحت علي مدري على و خلصت فلوسي غالبا على طلبات ومو حتى اشياء مهمة اووه صح الا تذكرت سويت pre order لتماداتشي لايف ليفينق ذا دريم ايي صح قايز الحين صار عندي موضوع!!!!!!

tomodachi life LIVING THE DREAAMM

متحمسة مره باقي اقل من اسبوع وتنزل اللعبه وودي اقول اني بشارك كل شي بس تعرفوني اقول شي واليوم الثاني مااسويه حقين الابراج بيقولون لاني قوس وكشخص مايعرف فيها بوافقهم الرأي المهم قايز سو احتمال كبير بنقل كل الشخصيات من جزيرة ماقومبا للسويتش ياااي يياااااي بس مو كلهمممم يعني بعضهم صراحه احس ماراح يفرقون لو نقلتهم للجزيرة الجديده للاسف بخليهم يكملون حياتهم في ال ثري دي اس الي اتوقع مابسحب عليه تماما مااتوقع مع ان السبب الاول والاخير الي شريت الجهاز عشانه اصلا كان عشان تماداتشي لايف امممم اوكي سو الريدي حطيت اليكساندرا و فيكتور في نسخه الديمو وبنقلهم لما تنزل اللعبه الكامله, في البدايه حطيت دي رينولدز وشتنوز بس بعدين شفت الناس يضيفون اوسياتهم لان اللعبه الجديده فيها خاصيه انك تقدر ترسم على وجه الشخصيه قايز اذا تبون تشوفون ترا مره ممتع ابحثو tomodachi life living the dream واكتبو اي شخصيه لعبه او انمي تحبونها ب تلقون ناس سووهم في اللعبه الجديده, للاسف اني الريدي خربت الديمو ب اني كملتها لو فيه اي احد منكم قاعد يقرأ البلوق وتوه يدري ان صارت اللعبه على السويتش ويبي يجرب الديمو المجانيه هنا نصايح عشان مايصيرون المييز مجرد اعلان للعبه ويصيرون محبوسين جوا بيوتهم:
فيه ناس قالو لا تلعبون الكوين فليب, هذي نصيحه غلط لاني لعبت الكوين فليب مع كلوديا وماصار شي بس متى صار شي..؟

لما فتحت متجر الملابس فيه bubble تجي اتوقع بعد ما تسوي الميي الثالث لا تضغطها لان بعد مايفتح متجر الملابس خلاص يصيرون المييز قاعدين بالبيت 

بس اذا تبون كمان تخلصون الديمو لان لازم تخلصونه اذا تبون اوتفت الهامستر العبو الديمو من غير متجر الملابس الين يوم كذا قبل لا تنزل اللعبه هي راح تنزل يوم 16 ابريل ف على يوم خمسطعش خلصو الديمو ازا بدكون يعني 

مارسمت حتى ولا شي من فتره الا سكتشات غير مكتمله اوه صح عندي رسمه بخلصها لا مااتوقع بخلصها ماعلينا امممممممممممم ياه سو بجمع فاوس واشتري لي امبي ثري محترم وسماعة محترمه وميموري كارد مساحته عاليه لان تقريبا كل يومين القى لي اغاني ابي احملهم ولسا ابي احمل كتب صوتيه عليه بس اني ماادري قايز مافيني حيل اسوي شي بحياتي وبصراحه عن نفسي ماامانع هذا الشي بس لازم اكون صادقة مع نفسي صححححح اوميقاد تذكرت الكتاب الي قلت يمكن من ست شهور اني بسويلكم ريفيو عليه امم هنا الريفيو لان ماعندي سالفه 

 مراجعة قرية ستيبانتشيكوفو و سُكانها ل دوستوفيسكي(فيه حرق بس مااتوقع يهم(مافي حرق بس وصفت بعض الشخصيات))

 ماادري وين كتبت هذا التعليق عن الرواية او اذا قلته شفهيا بس الرواية مره اعطتني فايبز علوم القرية سو وش معنى هذا الكلام؟...يعني انه القرية هذي جدا تذكرني ب لما تروحون قريتكم(او ديرتكم) وتستمعون لسواليف قرايبكم الي عايشين هناك وتستوعبون انه ليش تكبرون المواضيع؟...هل لان مافي شي يصير هنا؟... وتقعدون تفكرون وتفكرون لدرجه يصير حتى انتي الموضوع مهم بالنسبه لك وتصيرين توقفين مع جانب وتذمين الجانب الاخر وتصيرين وحده منهم يعني تقريبا الرواية زي كذا مااستهبل الرواية تتكلم عن واحد شاب تجيه رساله من عمه يقولة الحقني تعال الديرة ابيك بموضوع الموضوع هو : لازم تتزوج هذي البنت ف الشاب هذا يفكر اوكي يلعن ابو الغرابة يلا جايكم لانك عزيز وغالي  وماارفض لك طلب يا عم, عمه ذا هطف يعني ب الطف شكل اقولها زي خوي راسكولينكوف في الجريمة والعقاب بس يعني على اسوأ لانه يعتبر شخص مهم , ف يروح الولد الي نسيت اسمه بس بقول عنه المخبر لانه هو اي يروي الرواية ف يروح مخبرنا للقرية ويقابل شخصيتي المفضله في الكتاب كله لا عندي شخصيتين مفضله بس صبر يقابل وحده من شخصياتي المفضله في الكتاب الي مااتذكر اسمه ومافيني حيل ادور على اسمه بالكتاب بس المخبر يوصفه ب "الرجل السمين" ويقعد ذا الرجل السمين يقوله شتبي هنا من انت ف المخبر يقوله انا جيت هنا ابي اقابل عمي في ديرتكم ذي انت تعرفه؟ يقوله اي عمك الهطف ذا؟ تراه صاير كلب ل فوما فومتش, اوف اوف كلام قوي بس صحيح جدا ولو قريتو الرواية بتعرفون اني ماابالغ وصراحة مااتوقع  الرجل السمين قال هذا الكلام بالحرف بس مالي خلق ارجع اتاكد لكم وش قال ووش ما قال بالحرف اذا عجبتكم الرواية روحو اقرأوها بنفسكم المهم قايز بعطيكم اقتباس من شخصيه الرجل السمين (اسمه باختشايف الحين توني شفت)

 "اتظننني رجلا قوي الإرادة صلب العزيمة قادرا على الوفاء بعهد قطعته او كلام قلته؟ لا يا عزيزي...ماانا الا خرقة رخوة وا أسفاه"  

اوكي سو ويقعد باختشايف يسبسب في فوما ويقول ذا مسوي علينا انه اخر حبه وتراه كان فلاح وماعنده عند جدتي ومن  ذا الكلام يعني والي يضحك انه في النهايه نوعا ما يرجع في كلامه مع ان هو وفوما اعداء مره  المهم ف يجيه فضول المخبر يفكر انه توني ادري اصلا عن فوما ذا ا(توقع كذا ولله مدري قايز مااتذكر كل التفاصيل سو هذي وحده من راسي) وبعدين روح يمشي ويوصل القرية يروح بيت عمه ويقوله عمه يا هلا يا مرحبا ولله حقها ذبيحة اليوم عشانك جيت وكنت ابيك تقابل فوما لكنه الظاهر زعلان (وحابس نفسه في غرفته) ولكن ابد ولله اني انتظرك ومن ذا السواليف يعني المهم يقوله عمه رح اطلع فوق ارتاح و روق فوق سريرك قده مجهز او شي زي كذا المهم بعدين يقابل شخصيتي الثانيه المفضله ولو سمو الرواية ب اسمه كان صارت احسن في رأيي فيدوبلياسوف  الي وصفه المخبر بذي الطريقه و اول ما سمعت وصفه له حبيته "انه رجل لا يزال شابا, وهو لا يرتدي ثياب خادم بقدر مايرتدي ثياب فتى ريفي مزهوّ بنفسه. إنه يلبس رداءً بلون القرفة, وسروالا ابيضًا وصدرية صفراء, وربطة عنق وردية وحذائين من جلد لامع, وذلك كله مقصود متعمد, لإبراز الرشاقة وإعلان حسن الذوق. ولا شك أن هذا نفسه هو الذي يتحكم في الموضع البارز الذي كانت تحتله من صدره سلسلة ساعته" يسعدلي الملحجة ولله المهم وهذا الانسان زي كل شخص في هذي القرية مختل عقليا او مجنون او فيه بلى يعني الوضع ابدا مو طبيعي و اقتباس من راوينا "ولم استطع وانا اهبط السلم ان امتنع التفكير في ان هذا المنزل يبدوا فرعا من فروع مستشفى للمجاذيب" ههههه جميل جميل هذا كله وهو لسا ما قابل اكبر مجنون ونرجسي ومنحط ومريض في هذا البيت الا وهو!! فوما فومتش!! قايز هذا الشخص عبارة عن كتلة كبيرة وخانقة من النرجسية شي ماتتصورونه تخيلو انه ممكن يزعل لو قلت له محلى وجهك اليوم يقول هاه! قصدك ان وجهي مو حلو كل يوم؟ اوكي كفابه لا لا انت قصدك انا انسان بشع لا لا مفهومه. المهم يعني هو كذا انسان مريض المهم قايز خلونا نرجع ل فيدوبلياسوف ليش هو شخصيتي المفضله لانه طول الرواية وهو يلاحق في العم والراوي(الي مدري شلون ممكن يساعده) انه تكفون ابي اغير اسمي..ولله يضحك  لان اسمه "فيه أشارة الى أشياء كثيرة سخيفة"و طبعا كونه كاتب اشعار يبي يكتب كتاب اشعار يبي يسميه"انتحابات فيدوبلياسوف" بموت اوكي ف يعني يقول مو حلو كذا مو زابطه يعني وكمان لسا مو لاقي اسم ثاني يغير اسمه له لان البزران يعايرونه بااسمه ذا وكل ما لقي اسم جديد يلقون معايرة جديده لوووووول اهخ ولله مسكين اي صح وفيه بزر (فالالي) هذا البزر بيكون سبب موت فوما لانه مره شافه يرقص رقصه وماعجبته لانها رقصه على اغنيه تمجد السكر لولولول ومره قال "ملأت بطني حلوى كما ملأ مارتين بطنه بالصابون" وفوما عصب قعد يقوله مين مارتين هذا وهل فيه شخص ياكل الصابون؟ اهخ بموت يضحك وكان دايم يووميا يروح ل فوما يقوله وش حلم مع ان فوما قال لا لا تجي تقولي لانه "يعد امرا مبتذلًا الى اقصى الحدود"و ويت كمان اقتباس من الكتاب عشان يوضح لكم شخصيه فوما وبرضو موقف يضحك "وشاءت المصادفة التي تشبه ان تكون عمدًا, ان يأتي فالالي في الغداة (وقد نسي قصة مارتين نسيانا كاملًأ, ونسي ما لقي من حزن وكرب نسيانا كاملا ايضا) فيقص على فوما فومتش حين حمل إليه الشاي, انه رأى في منامه بقرة بيضاء. فكان ذلك ذروة البلاء! لقد استاء فوما فومتش استياء شديدا لا سبيل الى وصفه, فها هو  يستدعي عمي ويأخذ يحدثه طويلا في موضوع الاحلام التي يراها عزيزه فالالي في منامه. واتخذت هذه المره اجراءات قاسية عوقب الفتى بأبقائه راكعا في ركن من  الغرفة, ومُنع صراحة من ان يرى في منامه احلامًا من هذا القبيل" يعني تخيلو هالانسان مريض لدرجه انه يعاقب بزر عشانه شاف حلم عن بقره بيضاء ويمنعه من انه تجيه احلام زي كذا؟؟؟؟المهم الي يضحك ان بعدين صار فالالي كل يوم يحلم ذا الحلم نفسه اوكي قايز بقفل هنا طولتها واحس اني ماحرقت شي مهم من القصه