الكذب

الكذب ودوره المهم لتعيش حياه طبيعيه 

شكل الكذب اللي أتخيله هو شخص نحيف ولونه احمر ما اعرف ليه بس ذي الرسمه اللي تخطر على بالي لما أفكر بالكذب ، دايم يقولون انتبه تكذب والكذاب محد يحبه ويروجون للكذب بآنه اسوأ شي ممكن تسويه بحياتك ويناظرون الكاذب بأشمئزاز وكأننا ماقد سوينا اللي سواه، وعلى الرغم انه فيه أشياء كثيره اخرى مهم انك ماتسويها زي انك ما تفسد، تشتم، تجرح، تحسد، ليه اهم صفات الشخص اللي نبيه حولنا الصدق ومايكون كذاب مع انه لو يجي شخص ويقول الحقيقه كامله ماراح نحبه ونتقبله 

الكذب لذيذ وعشان نكون صادقين احنا بنفسنا بلحظات معينه نسأل سؤال وكل اللي نتمناه وقتها ان الشخص يقول الاجابه اللي نبيها وغالبآ لو قالها بيكون كذاب بس نبي نسمعه يكذب ..

الكذب اقرب لأن يكون مهاره ومهاره تستحق انك تتعلمها، يقدر ينقذك من اسوأ المواقف اللي ممكن تنحط فيها ممكن تأمن وظيفه بسبب انك كاذب بارع ممكن تغير كل حياتك ببساطه لأنك تعرف كيف ومتى وعلى مين تكذب 

الكذب بمقدار بشاعته وصورته النمطية السيئه عند الناس الا انه له جانب إنساني كبير تقدر تجبر بخاطر شخص عابر تقدر تهون الم شخص كل الأبواب تقفلت بوجهه تقدر تغير حياته  بجمله، بكلمه،   بكذبه 

فيه شاعريه عميقه باللحظه اللي تكذب فيها ويمشي كل شي مثل ماخططت له بالضبط تحس انك بطل خارق وقادر تحكم العالم بعدها 

تنبيه: الكذب الكثير ممكن يسبب ادمان استخدموا هاذي المهاره بإعتدال وعند الحاجه فقط 

كذبه بيضاء رماديه سوداء أو حتى حمراء 

 الكذب <3 انا