هل اصبحوا البشر نسخة واحدة من بعض

التشابه الغريب بين البشر قضية مهمه تهدد المجتمع 

بالسنوات الاخيره لما صرت أتمشى واشوف الناس حولي يشبهون بعض نفس الحواجب العيون الشفايف …حتى درجة اللون كأنهم بكج  

نفس الشنطه والملابس الجزم (وأنتم بكرامه) وكأن عندهم مصدر محدد لوش يلبسون وكيف يتصرفون هالسنه، والاسوأ لما يصير حتى كلامهم واحد  عندهم نفس الردود ونفس الشخصية لدرجة تقدر تتوقع وش بيقولك أو كيف بتكون ردة فعله  

حتى الأصوات! صاروا يتكلمون بنفس طبقة الصوت ههههه شي مريب هل صار هذا كله وهم مدركين ولا فيه خيوط فوق رووسهم تحركهم 

ليش صاروا الطبيعيين (اللي للحين محافظين على شخصيتهم وطريقتهم بالعيش) مهددين بالانقراض وكأننا نواجه تهديد من الكولت المجتمع المتشابه هذا وصرت كل مارحت مكان تلقى منهم نظرات غريبه كأنهم معصبين عليك كيف تسمح لنفسك تعيش على مزاجك وماتصير مثلنا 

الحياه قصيره جداً ارفض انك تقضيها على مزاج وقرارات شخص اخر اتخذ زمام الأمور بحياتك وعيش على مزاجك ( حتى لو كنت تبي تصير مثلهم شي راجع لك )